之前 QQ也曾 成功揸奶樽
那時候 只係玩玩性質
她只不過 揸一會兒 影過相後便讓Q媽繼續餵食
如今 QQ差不多7個月了
QQ真的自己揸住飲晒一支奶
不過佢就真係好頑皮呀~
去到尾段 飲到半飽時
就將奶瓶拿出拿入
差不多月7個月的QQ
一天大約4-5餐
有時候 3餐奶 2餐粥
或者4餐奶 1餐粥
點解咁唔定時
只因QQ有兩頭住家
其適應力真的不賴
一邊係定時餵
一邊係按其需要
不過車車覺得無所謂
反正其體重
便便情況都正常
現在因為食粥飽肚的關係
佢飲奶的安數不及以往
5-7安不等 (160-210ml)
粥就食過Q媽小廚房提及過的款式
快7個月了
Q媽會嘗試俾QQ吃肉類了
便便情況理想
每天有一至兩次便便
現在的便便變得杰身不少
洗PAT PAT 時 難度高了
唔知點解 QQ都係不太飲水的小朋友
不過慢慢來 好了
係咪時候 要買學習杯呢~
六個多月大的QQ
十分活躍 又手多多
其蚯蚓爬行法 已能使她通屋走
佢最喜歡 搞風扇 又喜歡搞BB車的車輪
用手搞完 就用口呀~
真係睇小眼都唔得
真的唔敢想像 佢真係識爬時點算
不過我想離這個日子不遠已~
因為這幾天佢已經用雙手支撐自己上半身
腳仔都開始呈半跪了
(農夫的觀察比車車更強 點解咁講
因為囡囡的變化 大多係佢話我知)
弟婦於是教車車
用咕擋其去路
又真係有少少作用
不過間中 QQ都能突破防綫
你放咕嗎
QQ就逐個試 好似攀山咁
這個唔得 就下一個
全家的咕集結於此
你 睇 這個小朋友 擺埋POSE 等你影
逐格睇
今日係完成o左 "14日減肥大作戰" 的第一天
首先滙報下 成績先
車車由122.4磅回落至 115.6磅
有6.8磅的成績
車車都幾滿意這個成績
完成後 車車第一時間已經相約好一班姐妹食韓燒 正呀
不過唔知係咪這段時間食少o左 食量真的變細o左
對肉的需求都細埋
車車有點唔慣 又要唸今餐食乜好
因為過去14日 每天都有指定食物 不用想只要跟單做人 哈哈哈
另外 車車愛上吃西柚
也許過一段時間 車車又會再踏上這個西柚之旅
Day 14
Last Day
感覺 爽呀~
體重 又有向下 116 lb
望著農夫 的餐點
手悄悄地往菜心莖埋手
農夫 話唔好呀~ 明天便出冊 忍下啦
無錯 我點可以咁做
最近吃得最多的東西
西柚 與 蛋
午餐有得吃雞脾 正呀~
吃的時候 太開心 咬了兩啖 才記起忘記影相 還是算了
這一餐 當然還有西柚啦
最近的西柚真的不得了
又甜 又JUICY ($9.9/4個)
今晚 車車吃 椰菜炒雞柳伴蕃茄
好好味
是日感想
完成埋是日晚餐
車車的 減肥大作戰也告 終結
天呀~ 我得o左呀~
我竟然做到 隨了餐單的食物 我竟然無吃過其他食物呀~
哈哈哈
我竟然有毅力 完成這個大作戰
感謝主呀~
因為 有佢為我安排 在這14日 車車返工的時間真的很少 (只係返O左5更)
因佢為我安排
令A小姐與我對調一星期的更期
身邊有不少的戰友 令我這個大作戰 不至於孤身上路
農夫的支持 常提住我 忍口
當然還有我家QQ的五輪ROUNTINE 令時間快過得不得了
Day 13
上班天
這一天 體重與昨天一樣
今日好似工廠妹咁
一盒盒 返工去
為了預備兩餐 ~午餐同晚餐 車車一其有三盒
是日午餐
生果 車車選擇了火龍果
不選擇拼盤了
簡單一點
是日晚餐
無錯 又有牛扒吃
煎好 碎上 方便用餐時享用
還欠西芹
是日車廠 忙........
幸好一班人互相幚忙 不用太遲走
是日感想
沒有肚餓的感覺
忙碌令我們的步伐不能停下來
這一天 兩口子變身成為 教育家
一早起來 趕緊時間 再戰書展
這一天比上一次 多了很多人 也許是Last day 的原因
因為有QQ的緣故 我們經特別通道 進入會場
那刻深覺QQ好有用呀
車車東看看 西看看
最後買了這些
寶寶大書 $125/12本
內容大得很 顏色又鮮明
車車覺得適合我們不知同QQ講甚麼時
指指圖 說說話
BABY 小繪本 經典故事系列
$100/10本
很想買這些故事書講給QQ聽
車車搵O左一段時間呢~
ABC 學習卡
$32.8/一套
書展隨處可見Flash card 認字咭
兩口子也湊湊熱鬧
買一套
我們兩口子十分喜歡這本書
這更是我們買俾QQ的第一本書
書名叫" 拉一下 是甚麼"
佢係介紹 數目字1-10的
$39.2/本
p.s.
書展內 有大大小小的counters
QQ 那麼小 但已經係市場的目標
車車 常想 她那麼小 還是讓她 學下爬爬 繼續用口去探索世界好了
那些 DVD 還是遲一點吧
這次的書展 真的讓車車大開眼界
現在的教育 好像家長個個也能做教書似的
買好晒教材 就來親子教育
樣樣東西也要 先人一步
這先一步 真的需要嗎~
英語 普通話係最好的
小朋友 要從小 就要多聽 多睇 多讀
講真 我與外子 語言方面 都是馬馬虎虎
我們還是緊守好我們的母語~廣東話好了
QQ 不用怕
媽媽會陪著你 回到孩童時代
就樣我們一起做同學啦~
Day 12
掂呀!
還有兩天
本日體重 116.8 lb
又輕了少少
真係磅磅皆辛苦
我發誓 將來進食真係要睇清睇楚
是日 又係一個飽肚日
點解 因為今日三餐都有方飽吃呀~ YEAH
今日又去書展
車車一早預備好食物
先吃一個豐富早餐 ~西柚 蛋 方飽
到了會展
睇下睇下 感覺肚餓 便在旁邊吃東西
自己都覺得有點怪 哈哈哈
突然間會有個手抱BB的女士 拿住隻蛋食
之後又拿住塊方飽吃
一定會心想 唔駛呀~ 咁趕時間~
車車就是在這樣的情況下吃我的減肥午餐
今晚食魚日
車車之前食魚生
不過我都係覺得有時間 食蒸魚 係最好的
這條多寶 特別好味呀
車車一個人吃O左 一大條呀~
是日蔬菜沙律
Day 11
能夠來到這一天 真的唔簡單呀
這一天 要看看 "十日後必有如何的驚人效果"
一上磅 117lb
俾想像 有一點距離呀~
不過有瘦 總好過無呀~ (阿Q精神)
暫時計 車車也瘦了5.4lb
開始倒數了
是日早餐
是日外出 帶備午餐
行海港城期間 突覺肚餓
西柚出動
邊吃西柚 邊望農夫吃大碗麵
仍不為所動 車車毅力真的勁呀
進入海港城 途經 F&H by Fancl
好奇心下 車車做了一個測試
原來車車也不是太過份
還是可接受的範圍
當然再瘦一點也是好事呀~
我的標準體重 最好係 110 lb
我會努力的
做完測試 車車心情大好
突然 又不太餓了
我要加油呀~
不過在回家路上 車車的能量制又再閃燈
救命呀~
快快回家吃豆腐 菠菜 芝士
講真蒸豆腐 味道真的不錯
還有3天
p.s.
車車想 吃完這個餐單 要再去多一次F&H
記下這一刻
六個多月的QQ
這刻的QQ
偶爾能坐上一陣子
這一陣子 也許三分鐘 也許五分鐘
胖胖的 可愛嗎~
鼻扁扁的 眼細細的
現在的她
最愛趴著 向前邁進
她的前進 不是爬的 而係像一條蚯蚓
QQ手腳還欠協調
肌肉力量仍待改善
親愛的~ 你在看我嗎
媽咪很想知你的小小世界裏
是否已經記錄了爸B 媽咪的影像呢~
跌下來了
不怕 父母總會在你旁的
我們沒有馬上扶著你
只因 這也是你的成長必經階段
跌跌踫踫也是一種歷練
珍惜這一刻
未能坐好 未懂爬的你
已經 令媽咪忙過不停了
你總能在任何地方 轉呀轉
家居安全 已經令媽咪的頭大起來了
適當的保護VS 過份的保護 在對戰中
家剩 四壁 未嘗不是個好主意
Day 10
明天便能知那個驚人效果 又幾驚人
車車 也不抱大期望 只因進展有點慢
但車車又想 磅數趺得太快 會唔會升得太快
不過車車的目標 也只係 122lb 回落至 115lb
希望完成這一個餐單時 如願便心足了
說便這一天
又係一個上班天
一朝早 吃一個便利早 ~西柚 加 蛋
看 昨天買的西柚比平常吃開的 足足大了半倍
平常只能切六份 今天要分八份呢~
味道還很甜呢~
午餐有蔬菜沙律
還是吃我最喜愛的菜心 好了
還有西柚 方飽 車車選擇下午茶時段吃好了
是日晚餐
因要照顧家中大小的午餐 (車車個人很喜歡照顧一家人的飲食健康)
車車只好怱怱忙忙往超市購買 一隻雞脾
已叫 職員選一隻最小的
誰知這一隻雞脾
吃後 令車車深感罪孽
何解
車車吃後 飽得有點過份 感到這一餐會否破壞了之前的奮鬥
同時 車車想這個餐單 是否令胃口吃細了
一腦子的想法 車車還是選擇了在車廠中行呀行
希望能消耗點點熱能
14天 話長唔長 話短唔短
開始進入倒數了
