上班天@11月份

1/11/2010   天晴

吃過 營養午餐

上班去

囡囡 你真的要乖一點呀~

媽咪要上班呀~

為了你 (飲食篇)

當大閘蟹宴遇上打邊爐

兩姐弟最愛玩的玩意

大寶貝最愛爬上梳化 之後就躍下

小寶貝有樣學樣

我係玩具?!

小寶貝 當自己係玩具

竟然坐O左入去玩具箱內

我似唔似女仔呀?

兩煲湯

原本煲好了一個老火湯

但因為農夫想打邊爐

於是再滾一個打邊爐湯底

mum....我去買餸啦

晚上 細細上來我家吃晚飯

農夫突然好想打邊爐

那麼 就讓農夫 提早了獨自一個人往菜市場買菜的時間

寫好了一張購買清單給這個新手


出門口前 佢突然同車車講"mum, 我去買餸!"

真係俾佢笑死

我家外子的戰利品

見到我嗎?? (27W)

自從開始寫""隔著肚皮說愛你"的日子

車車甚少放 超音波相 在blog內

講真超音波 真的好難睇得明

若果唔係有醫生從旁解釋 真係唔知睇緊乜


就好似上圖咁  係醫生講解的時候

車車其實一點都睇唔明  但農夫係咁話見到囡囡的樣同埋手仔

車車只好扮睇到啦

出到來  當然問農夫點睇
經佢講o左一輪
車車終於見到了


晚飯時間
細細到來與我們兩口子
一起打邊爐

車車便問細細睇唔睇到

好彩 佢同車車一樣 都係睇唔明 哈哈哈

咁...............

你們又見到佢嗎??

留個言 話我知

P.S.
今日覆診  醫生令車車好安心呢~


親愛的囡囡:

原來你已經有1kg 了~

你要快高長大呀!

愛你的父母上

當早晨全餐遇上熱香餅餐

車車間中 在車廠都會有機會吃M記早餐

咁O岩同同事 講起  懷孕中的車車大食O左

唔知 點樣配才會頂得到一個朝早至午餐

同事就話最近M記 出O左一個新早餐

車車一定會食得好飽


今朝  農夫就陪我吃了這個早餐

當早晨全餐遇上熱香餅餐

真高興  以前車車要係兩者擇一

現在不用了
一次過滿足晒

買手

這個星期 母親大人要車車 好好在家休息

想食甚麼同佢講就好了

這天 又到買手出手的時候 

星期一 農夫拿回家一大袋的餸菜 車車已經覺得有點誇

這一天  更誇張 係兩大袋  

農夫沒有時間往提取    就派出我家細細  做速遞員

就連 細細 都叫我"皇太后"   

我的早餐

安胎的日子

9點多 起床 

食個靚早餐先  ~是日早餐  通粉大雜會

珍惜二人世界 (26W5D)

農夫 突然 好認真同車車講
"我地要好好珍惜二人世界的日子"

車車仲以為佢有乜講 
真係俾佢笑死  扮晒認真咁



你睇 車車連手仔都脹大了不少
唔知係咪角度的問題

下午 吃過煮家飯

車車心思思想出街吃呢~

落樓下應該無問題

又有農夫陪

母親大人應該唔會"鵝"太耐


一話食 pizza hut

農夫舉晒手同意

兩口子其實都幾喜歡吃pizza 的

附上 圓碌碌近照兩張

等我用手遮掩下先

我們的午餐

是日午餐

有益有營養的魚  打孖上

隔水蒸10分鐘  淋上熟油 豉油  食得

有農夫陪伴呢~ 

我家外子

這刻好想寫一篇 blog 來感謝我家外子 

將來 車車若火起的時候  看了這一篇blog 也許怒氣會減一些罷 


由結婚至今  車車確實生活得很愉快   感到很幸福


每個人 都有其優點 和 缺點  
              
每個人都 不是完美的

身邊不少朋友  正努力尋找 她/他的 Mr. / Miss Right

也許 他/她 已經在身邊  

聽聽內心的話   把過去放下  那麼他/她一定會出現你眼前的


我與他   

我們  皆不是一個完美的人  也有我們的缺點 

但偏偏我們互補了對方不足之處    亦包容了對方的缺點

(粗枝大葉的車車 vs 心思細密的農夫)

日常生活  車車 有農夫打點   確實放心

飲食方面  農夫 有車車打點  也不錯呀 


還有兩個多月  我們便會由 二人世界 變成 三人行了


懷孕至今 

農夫 對車車呵護備自

我 就好像活在  一個聲控家居 

有時候 連聲控也不用  自動化的


車車 係一個愛看細微位的人  表面的動作 很難令車車動容

一個會考慮  你的衣物櫃有點低 已悄悄 將自己高一點的櫃與你交換的人

一個會考慮  把你常用的衣物 全放在較高的位置 讓你拿得方便的人

一個已經作好心理準備 要獨自往街市購買 餸菜 回家的人

一個 當你沖完涼 關水 的時候 便馬上 關掉抽氣扇 免你著涼的人

一個 當你行街不到半小時 而去了三次廁所 也不感到是甚麼 還乖乖等待的人


車車真的很感激農夫對我的好


車車不知道未來會是怎樣  但車車有信心 我倆會一起到老的 

你要乖一點 (26W3D)

好喜歡這一張相  

(感覺蠻溫馨的)

陀著小小B   二為一體  感覺係特別的

作為一個準媽咪 

所期望的好簡單   BB 身體健康   生產時順順利利


那麼  作為一個準爸爸   在太太懷孕時  感覺又係如何呢~

以下 粹屬個人就農夫的 日常表現 所推測

也可以說只是我家外子的感覺罷了


感覺係奇妙的  惹笑的

妻子的肚皮 一天比一天脹大 (農夫  常取笑車車 似 外星人 羅茲威爾)


感覺 掛念多了

當農夫 做泰農的時候  他會加培掛念車車的

他會擔心  車車有沒有乖  囡囡有沒有乖  (我們兩個人是否 健康)


感覺  興奮

當農夫  感覺小小B 在車車肚子內動的時候  見到她郁的時候

表情興奮  充滿新奇


感覺  辛苦多了

車車 就像 妲己 般   (哈哈哈)

感覺 獨一無二的

車車與農夫 就只有他 可以近距離 隔著肚皮與小小B 說話
 
                       就只有他 可以近距離 錫錫小小B


準爸爸 所期望的係

"阿囡: 你要乖一點呀~ "

愛心早餐 (26W2D)

一大早   車車被執床聲叫醒了

我想昨晚 看夜的姑娘應該很忙  因為另一隔嘈吵得緊要

車車 瞓下 醒下  好似返了一晚夜


一早 姑娘便走過來 聽小小寶貝的心跳聲  真高興 (連續兩天 聽到她的心跳聲)

車車 吃過早餐  (d 粥真的 無乜味 幸好車車都食得幾淡)

之後 有姑娘話有人俾o野我  問我自己攞定佢攞入來俾我

車車 當然自己去攞  

一路行 一路疑惑緊會係邊位呢~ 

真的好驚喜呀~

原來係  隊長   NIGHT 完 都來探下我  仲買埋早點給我吃 

真的好多謝佢呀  車車當時好感動

車車 身邊有好多天使呢~



講番小小寶貝

今日又有得與小小寶貝見面

見面後  醫生允許車車出院 回家休息

就這樣 車車展開了 在家好好安胎的日子

同時正式結束了我與小小B 返夜的日子


p.s.

親愛的小小B :

媽咪知道你一向都好合作   好乖巧

爸B 同媽咪都希望你keep 住呀

頑皮一次好了 知ma~

愛你的媽咪上

小狀況 (26W1D)

不知不覺  陀著小小寶貝 已經 6個半月了   感覺好好

就當車車 忙著馬照跑 舞照跳的時候


我那頑皮的女兒    卻出了一點狀況  讓我與外子 忙了兩天


早上 車車 還跟隨MO睇症  寫寫交更

10點 卻發現了 身體有異  車車人還未回神  已經被送往睇急症

速度之快  真的要拍拍手 

在急症室  巧遇舊同事 可想 又以極速 見過醫生 其後入院

期間  三度聽了小小寶貝的心跳聲     感到點點開心

 (我想你叫我每天聽幾次  車車也不會感到 悶)


我這個女兒  甚懂得選時間

剛巧她的爸B  放假在家  很快地 外子已經陪伴在旁


入到院   車車只好乖巧 休息多一點

下午 遇到一位好好的醫生  使我有機會 遇小小寶貝見面

小小寶貝 動作多多  還交义雙腳  好似一雙田雞腳


安全起見  車車要留院一晚


細心的外子   當然無令車車失望

報章 雜誌  電影  日常用品 通通預備好晒給車車  抵錫


食物方面   有最愛錫車車的母親大人 同埋 萬能弟婦 (辛苦晒呀)

當然無問題   有湯有餸有飯 



P.S.
友友們 不用擔心 

小問題  已經出院了

薪火相傳

標題係 "薪火相傳"

近幾年  車車除了 照顧case  也開始當上臨床導師

雖然  工作量無疑係增加了   但有感這也是我們其中一個使命


回想起  我們還是一個學生的時候 

若果不是有 肯教我們東西   俾機會我們去做 的mentors 

畢業後的我們 一定更加  慘..慘...慘...

不竟  兩者的鴻溝 實在太大了


同時 我較喜歡  鬧完我們 但會糾正我們 的mentors

而不是一味鬧鬧鬧的那種 

講真鬧完後  又唔糾正  咁學生咪又係唔識  下次咪又係一樣


在這幾年  都遇上不少學生們

車車 遇上的 都不是很出色的人

但無問題    若果樣樣都識   就太有驚喜了

車車好努力 學習如何因材施教 
                      學習如何欣賞她們 
                     學習諄諄善有她們去自學

其實我們一班同事   最不想遇到的學生們  不是慢手腳  不是愚笨  而係無心的人

既然無心   我們也不想浪費相方的時間


近幾個星期  車車負責的這位學生 

確實開了不少先河   車車向她開了幾次火

驚動了同事們 叫車車不要動胎氣  (哈哈哈)

其實 我不是真的動怒  而係希望 透過  用認真  略大聲的聲調 使她明白嚴重性

畢業班了  真的希望她好好珍惜餘下的光陰 好好學習


今天  是她在我的工作點 的最後一天

車車收到

謝謝你 對我與小小B 的祝福

倒數 (25W4D)

哈哈哈  大家唔好唔會    車車未有咁快生呀~ 

我仲好享受與小小B 二為一體的日子

咁.....................倒數乜O野


咪就係 返NIGHT 的日子

返埋今晚    只係剩餘一晚    車車便要暫時  與NIGHT更告別一段日子


是夜  過得真的不錯 

CASE 少少  只係二十多人   又有runner 陪伴  (正呀)

雖然有case 要 escort 去我母院   (但以極速完成)

車車摸著肚子   與小小B 慢步車廠  望下CASE 

間中小小B 伸伸腰  動動手腳

感覺很寧靜


P.S.
小小B :

好想讓你知道  你與媽咪一起返工的日子係點樣

所以盡量記錄 你與我 在車廠的日子

當你出世後  媽咪便不能帶著你一起上班

所以媽咪好珍惜 與你上班的日子

愛摸著你 上班的媽咪上

好姊妹出嫁了 version 2

10.10.2010

這一天  充滿了愛

我們相識二十多年的好姊妹 出嫁了


由於小小B 的關係   車車未能目擊全程的婚嫁過程

但內心  確實歡喜 所以也一早起床


車車偷偷望 偷偷影相

她們二人 要出埋車車那一份力呢~

場面 好墟冚  


幸好車車上午沒有跟隨她們   不然便做成了她們的負擔

點解咁講

因為他們 無論係  我三位好友 當然包括埋新娘子  定係姊姊們

甚至我好友的老公們 對車車都照顧周到

每個人 一有位 便要車車坐下 

又怕車車肚餓  有東西吃 便專誠拿給車車吃

新娘子  有空間 便問車車 累嗎    (傻妹  這天最疲倦的人是你呢~)


下午時份  我們去到中港城    他們的證婚場地

新娘子 好高貴呀~  (期待大會的相片)

我們三個 搞搞震一番


是日  新郎哥  表現  爆晒分呀 (我們三個都加佢300分)

真的好有驚喜呀


在交換介子那一刻   新郎哥突然跪下為新娘子戴上介子的

誠意分  加...加...加


還有 傳說中 的 99朵玫瑰花

是夜 有幸遇上  嘻嘻嘻

我與囡囡有幸抱過這束花

 

鏡頭後 其實係伴娘替車車拿著這束 有分量的花花

膚淺二人組  哈哈哈

車車衷心希望好友 幸福快樂 婚姻美滿  做人成功 哈哈哈

好姊姊出嫁了version 1