愛是................可口可樂經典弧形玻璃杯

昨晚深夜 才看到 麥當勞的新廣告

Oh ............可口可樂經典弧形玻璃杯

730 開始已經有得換    

個人已經  心大心細 

究竟  俾$120 換一set 定係 食加大餐換好呢~

 

大家可能都知道 農夫好喜歡儲 可口可樂的東西

現在佢做o左泰農

錫佢的車車

當然 第一時間想儲齊  等佢返來 有個驚喜 

 

今日一早  車車已經決定  食加大餐去換

咁樣先表達到我的愛 (其實因為我係一個師奶 食餐換抵d 哈哈哈)

同埋車車都幾喜歡那個儲o野的過程

 

醒目車車 當然唔會一個人去儲  要食成6個麥當勞餐 唔肥就有鬼

馬上打俾農夫的老死

 

C:  喂喂! 可唔可以幫我食一個麥當勞餐呀! 我想換隻杯俾農夫呀!

T:  你可以唔駛食麥記了! 食你鍾意的O野食啦!

C:  內心 十萬個????

T: 琴日X仔話我知 有得換，我驚無晒，馬上落街買咗一套俾佢呀!

C : 唔該晒呀! 你果然係佢好兄弟呀!

T:  "緊"係

 

男人之間的感情.......

見到有人 同車車 一樣咁錫農夫  內心都好開心

 

車車 唸唸下  我唔可以無表示

咁朋友仔那套用作儲存

自己換兩隻 日常用都好WOR

就係咁 車車都係食O左一個 加大餐 嘻嘻

 親愛的農夫:

明天便是你的生日月了!   這隻杯送俾你呀!

 

P.S.

至於另一隻杯杯  

 

C: 細路呀!

細細: 咩事!

C: 家姐呢! 想換一隻杯杯呀!

細細: 邊度有得換?

C: 麥當勞有得換, 食加大餐就有得換呀!

細細:  咁....今晚我去食啦!

C : 好呀!  我要粉紅色!

細細: 好啦!

 

呵呵呵 

細細真係乖 抵阿姐咁錫你