在懷孕的日子
大多數的人 都會好照顧 準媽媽的 往往會忽略了準爸爸
確實有點點不公平
因為 做爸爸的都付出不少
在這段時間 農夫將車車照顧得不俗
自從 早前 車車感覺到胎動 車車都覺得好有趣 而且令車車有份安心的感覺
小小寶貝常常游來游去
當與農夫 分享時 他除了聽的份兒 卻感覺不到
直到今晚 農夫終於也感覺到了
明天便是中秋節了
兩口子 好想送一份禮物俾囡囡過中秋
記得細細個的時候 母親大人曾經送過 豬籠餅俾車車
當時 拿著這個餅 車車已經可以快樂一整天
也許沒有太多人喜歡這種傳統小玩意
但車車覺得它 有著小小的童年回憶
希望我們的女兒 會感受到我們的心意
P.S.
親愛的女兒:
好快你便六個月大了~
這份禮物是爸B 同媽咪 送給你的第一份禮物
你仍在媽咪的肚肚中 等我們一起好好品嚐這個餅餅啦
有了你 令我們更像小朋友呢~
10/8/2010
今日返政府做產檢 其實都係講番下血報告同埋OSCAR的結果
我同小小寶貝 又過了一關
其實做完 之後兩星期內都無收到電話 都知道應該合格
今日 見醫生 都無得同小小寶貝見面 有點失望
其實 可能我誤解O左 之前次次都有得見BB 所以以為每次都一定有得見
不過有得聽下BB的心跳聲 150bpm 都好過無
農夫覺得似青蛙哇哇叫
一睇完 車車馬上book 私家 以解相思 哈哈哈
P.S.
其實懷孕真的一點也不容易
做媽咪的 真係要過五關斬六將
所以 真的要好好珍惜 擁有的
小小寶貝 媽咪會好好保護自己同埋你的
22/7/2010
13週過後 車車 不知何故 開始了咳嗽的日子
期間車車為了早日痊癒 無論係西醫定中醫 車車都有睇
但仍不見有甚麼起色 唉......
心想 小小寶貝 在我的肚皮內的日子 應該好似玩滑浪咁
不知 車車的咳嗽有沒有影響小小寶貝
所以今日往私家診所 與小小寶貝見下面 (第六次見面)
小妮子很活躍呢~ 郁手郁腳
期間車車咳嗽 她也沒有太大影響
最開心 莫過於農夫 因為佢 上一次見小小寶貝的時候 她只係手指公的樣子
今天佢親眼見到自己的BB好似一個小人兒
15/7/2010
由今年7月開始 政府免費為所有孕婦進行 Oscar 測試
即係"早孕期一站式唐氏綜合症篩查"
車車 可以享受到這個優惠呢~
今天真的好多人覆診
等了差不多2個小時 才聽到自己的名字
醫生 好努力去量度頸皮 誰知小小寶貝不合作
無論醫生如何用USG 的probe 拍動車車的肚皮 她還是趴係到 也不願意躺臥
最後醫生只好放棄 叫車車 出外走走 待會兒再量度
車車一出診症室 馬上SMS給小小寶貝的爸B告狀
遠方的泰農 也覺得小小寶貝 好頑皮
幸好 第二次量度的時候 小小寶貝肯與醫生合作~躺下來
之後抽埋血 便回家了
BB 你要叻叻 要過關呀~
P.S.
TO 小小寶貝
在螢幕下 看到13週的你 內心係感動的
我們一起渡過3個月了 即係渡過了 first trimester
你很乖呢
雖然期間我們遇到小小問題 但最重要我們還在一起呀~
相信你會過關的媽咪上
2/7/2010
今日覆診 原來無得同小小寶貝見面
只係與護士見下面 填下資料
原來現在陪產 好簡單的
只要係作動入產房的時候 同護士講一聲便可
接著落來的日子
每次產檢都要帶的咭仔
每一次的體重 血壓 小便的protein & sugar 結果都會記錄在此
另外姑娘俾埋這本書仔
叫我們回家慢慢睇
19/6/2010
這一天 上班天
車車換上一條白裙仔
好像 一個學生妹 (唔係我講的 哈哈哈 開心死我)
感覺 很舒服
唔知 小小寶貝 係咪都覺得好舒服呢~
另外車車真的好感恩 因為工作上的伙伴都好好
大小事都 照顧著我
事例一:
有同事 自己那team忙得不可開交 都走個來問我有乜要搞
唸住幫o左我 先再忙自己 真的好感動呀
這個是A小姐
事例二:
一有 portable x-ray 就不停叫喚我呢
事例三:
一見車車 走得太快 便叫住我 "行慢d呀"
現在 車車希望盡力做好本份 不想做成她們的擔子
16/6/2010
又到一年一度的 賽龍舟比賽
今年車車 再次做 起點區的工作人員
小小寶貝 好乖巧
車車一點也沒有 不舒服的感覺
可以 順利完成任務
這時候的車車 外觀沒有多大變化呢~
p.s.
親愛的小小b :
今天你真的好乖巧呀
貪玩的媽咪 可以順利完成任務 全賴你的乖巧
不然 爸B 會煩著媽咪
今天 在海中央 感覺如何呢?
現在你也在媽咪的肚中央 嘻嘻
曬到面紅紅的媽咪上
9/6/2010
轉眼又一週 又係我們同小小寶貝見面的時間
螢幕上 見到有O野一閃一閃
醫生話係 小小寶貝的心跳
小小寶貝 你真係好抵錫呀~
隨著小小寶貝有心跳
車車 由睇婦產科 Early Prgnancy Assessment Clinic 轉往睇
產科做 產前檢查
原來係有分別的 真係唔講唔知
唔怪得 我這幾次都不用驗小便 磅重啦
今天我們還正式填 form 在 UCH 掛號
就這樣 展開了我與小小寶貝的定期約會
2/6/2010
話咁快 又到了與小小寶貝 見面的時候
車車與農夫 遲了起床 趕唔切食麥噹噹早餐
忽忽忙忙 出門口 趕住與小小寶貝 見面
佢大過o左呀!由一粒芝麻變成一隻手指公
雖然 仲未見到心跳
但車車都好開心 因為佢慢慢長大中
因為未見到心跳 所以醫生安排我們下星期再見
估唔到 我們咁快又可以再見面
開始進入生日倒數了............
相信今年車車收到最好的生日禮物
非 小小寶貝 莫屬
28/5/2010
車車 得到同事的幫忙 在家好好休息4天
今天要上班了 (PAN)
一早起床 便想起小小寶貝的小舅舅買了牛奶給車車享用
車車真的很不喜歡渴牛奶 但一想到弟弟的心意
只好乖乖飲用好了
P.S.
小小寶貝:
媽咪好努力 嘗試扮愛飲牛奶
希望你的皮膚 滑滑啦~
你都要乖乖長大呀~
我們一家人 期待你的來臨 特別係你的外婆
她的喜悅 大過 媽咪與爸B 的總和 呢~
19/5/2010
昨晚 農夫表示感到緊張 因為今天車車要覆診睇報告了
車車好有信心 希望小小寶貝不要再怕羞躲起來 與我們見見面 好嗎
躺在床上 透過螢幕 看到細細的黑點 (原來那黑點就是小寶貝)
她 就好像一粒小芝麻2-3mm
農夫 用鼻屎 來形容她呢~
(我要記錄下來 讓小小寶貝知道 她的爸B 如何形容她)
那麼 今天便是我們與小小寶貝 第一次 見面的日子 @UCH 嘻嘻嘻
第一關 通過了 yeah 小小寶貝 著落在正確位置 而且成長中呢~
我們約定 小小寶貝 兩星期後見
p.s.
這幾天 辛苦了農夫 陪伴在旁
他 是我的
保鑣 外賣仔 家務助理 司機 接綫生 .....
有夫如此 還有甚麼好求
最近我的隨身物
肚痛時 攬著它 好有效的
唔知小寶貝 會唔會覺得好熱??
